Արհեստական բանականության (ԱԲ) հիմունքներ և գործնական կիրառություններ
Դասընթացի մասին
«Արհեստական բանականության (ԱԲ) հիմունքներ և գործնական կիրառություններ» դասընթացը նախատեսված է մասնագետներին ԱԲ-ի հիմունքներին ծանոթացնելու և գործնական ԱԲ գործիքների կիրառման միջոցով նրանց առօրյա աշխատանքն ավելի արդյունավետ դարձնելու համար։ Մասնակիցները կուսումնասիրեն ChatGPT-ը, պրոմպտերի մշակումը, ԱԲ-ի միջոցով տվյալների վերլուծությունը, բովանդակության ստեղծումը, ինչպես նաև ԱԲ-ի կիրառման էթիկական և իրավական ասպեկտները։
Դասընթացի նպատակները՝
- Հասկանալ, թե ինչպես է աշխատում ChatGPT-ը, ինչ հնարավորություններ և սահմանափակումներ ունի, ինչպես նաև որոնք են դրա կիրառման հիմնական ռիսկերը,
- Սովորել, թե ինչպես ստեղծել արդյունավետ պրոմպտեր (հրահանգներ) տարբեր առաջադրանքների համար,
- Կիրառել ԱԲ գործիքները առօրյա աշխատանքային գործունեության մեջ,
- Օգտագործել ԱԲ-ն տվյալների վերլուծության, հաշվետվությունների պատրաստման, բովանդակության ստեղծման և փաստաթղթերի մշակման համար
- Հասկանալ ԱԲ-ի էթիկայի, տվյալների պաշտպանության և իրավական կարգավորումների հետ կապված հարցերը,
- Բացահայտել աշխատանքային գործընթացներում ԱԲ-ի ինտեգրման հնարավորությունները։
Ո՞ւմ համար է դասընթացը՝
Դասընթացը նախատեսված է տարբեր ոլորտների մասնագետների համար, ովքեր ցանկանում են հասկանալ արհեստական բանականության (ԱԲ) հնարավորությունները և կիրառել ԱԲ-ի գործնական գործիքները իրենց առօրյա աշխատանքում։ Գործնական առաջադրանքներին մասնակցելու համար մասնակիցները պետք է ունենան սեփական համակարգիչ։
Դասընթացի ավարտին մասնակիցները կկարողանան՝
- Հասկանալ ԱԲ-ի հիմնական սկզբունքներն ու կիրառությունները,
- Արդյունավետորեն օգտագործել ChatGPT-ը աշխատանքային առաջադրանքների իրականացման համար,
- Ստեղծել կառուցվածքային և արդյունավետ պրոմպտեր (հրահանգներ),
- Կիրառել ԱԲ գործիքներ տվյալների վերլուծության և հաշվետվությունների պատրաստման համար,
- Օգտագործել ԱԲ-ն փաստաթղթերի պատրաստման, թարգմանության, ամփոփման և բովանդակության ստեղծման համար,
- ԱԲ գործիքների միջոցով ստեղծել պատկերներ և տեսանյութեր,
- Բացահայտել և կառավարել ԱԲ-ի հետ կապված ռիսկերը, ներառյալ հալյուցինացիաները և տվյալների պաշտպանության հետ կապված խնդիրները,
- Կիրառել ԱԲ գործիքները գործնական աշխատանքային իրավիճակներում։
Դասընթացավար Ալեն Հովհաննիսյան
Ալեն Հովհաննիսյանը full-stack վեբ ծրագրավորող և ԱԲ ինժեներ է, ինչպես նաև Robi Labs և Blumix ստարտափների հիմնադիրն ու գործադիր տնօրենը։ Նրա մասնագիտական գործունեությունը ներառում է տեխնոլոգիական ձեռներեցություն, ԱԲ հետազոտություններ և նորարարական լուծումների մշակում։
Նա ղեկավարում է ԱԲ նախագծերը՝ գաղափարի և նախագծման փուլից մինչև մշակումը, թեստավորումը և ամպային միջավայրում տեղակայումը՝ աշխատելով այնպիսի տեխնոլոգիաների հետ, ինչպիսիք են Python-ը, PyTorch-ը, TensorFlow-ը, Hugging Face-ը և Gradio-ն։
Ալենը նաև դասընթացավար է, իրականացնում է գործնական դասընթացներ ԱԲ-ի հիմունքների, մեծ լեզվային մոդելների (LLM), գեներատիվ ԱԲ-ի և բիզնես գործընթացներում ԱԲ-ի ինտեգրման վերաբերյալ։