Հայերենի Առցանց Խմբակային Դասընթաց
Դասընթացի Մասին
Հայերենի կարճ դասընթացը բաղկացած է 16-20 դասից (յուրաքանչյուր դասը՝ 80 րոպե), որոնք կազմվում են ուսանողի հայերենի իմացության մակարդակին համապատասխան։
Եթե ուսանողը տիրապետում է հայերեն տառերին և ընթերցանությանը, դասընթացը ներառում է․
-
Խոսակցական և մասնագիտական բառապաշարի ձևավորում (1500-2000 բառ), իսկ ավելի երկար դասընթացի դեպքում՝ բառապաշարի հարստացում (մինչև 5000 բառ): Բառապաշարը զարգացվում է կյանքի տարբեր ոլորտներին առնչվող բառերի միջոցով։
-
Պարզ քերականական կանոնների յուրացում (խոսքի մասեր, բայերի խոնարհում, շաղկապների օգտագործում, հոգնակի թվի ձևավորում, պարզ և բարդ նախադասությունների կառուցում)։
-
Բանավոր խոսքի զարգացում պարզ և բարդ նախադասություններով, կարճ տեքստերի ընթերցանության, վերապատմման և հարցերին պատասխանելու հմտությունների ձևավորում։ Գրավոր խոսքի զարգացում՝ կազմելով պարզ նախադասություններ և կարճ տեքստեր։
Յուրաքանչյուր դասից հետո տրվում է տնային առաջադրանք, որը ներառում է նոր բառերով նախադասություններ կազմելը, առօրյա և մասնագիտական տեքստերի բանավոր վերարտադրություն, բանավոր խոսքի պատրաստում ցանկացած թեմայով, ինչպես նաև հայերեն մուլտֆիլմերի և կարճ ֆիլմերի դիտում։
Դասընթացի ընթացքում 2-3 անգամ կազմակերպվում են գրավոր և բանավոր ամփոփիչ գրավոր աշխատանքներ։
