ESG կառավարման, ռիսկերի և հաշվետվողականության ամբողջական համակարգը ֆինանսաբանկային ոլորտում
Դասընթացի մասին
«ESG կառավարում, ռիսկեր և հաշվետվողականություն ֆինանսական և բանկային ոլորտում» դասընթացը նախատեսված է մասնակիցներին ESG ռիսկերի, պատշաճ ուսումնասիրության (due diligence), բանկային գործընթացներում ESG գործոնների ինտեգրման և կայունության հաշվետվողականության վերաբերյալ գործնական գիտելիքներ տրամադրելու համար։ Դասընթացը ներառում է GRI ստանդարտները, IFRS/ISSB կայունության բացահայտման ստանդարտները, ինչպես նաև ESG հաշվետվողականության և կորպորատիվ ռազմավարության համապատասխանեցումը։
Դասընթացի նպատակները`
- Հասկանալ ESG-ն ֆինանսական և բանկային ռիսկերի տեսանկյունից,
- Բացահայտել և գնահատել ESG ռիսկերը հաճախորդների և պորտֆելների մակարդակներում,
- Կիրառել ESG սքրինինգ և պատշաճ ուսումնասիրություն բանկային գործընթացներում,
- Հասկանալ ֆինանսական և ազդեցության էականության (materiality) հասկացությունները,
- Կիրառել GRI ստանդարտները ESG բացահայտումների և էականության գնահատման համար,
- Հասկանալ և կիրառել IFRS S1 և IFRS S2 կայունության բացահայտման ստանդարտները,
- Մշակել GRI–IFRS ESG բացահայտումների ինտեգրված մոտեցում,
- Աջակցել ESG-ի ներքին կառավարման և հաշվետվողականության գործընթացներին։
Ո՞ւմ համար է այս դասընթացը
Դասընթացը նախատեսված է ֆինանսական և բանկային ոլորտում աշխատող բիզնես վարկավորման մասնագետների, վարկային մասնագետների, ռիսկերի կառավարման մասնագետների, ինչպես նաև Կորպորատիվ սոցիալական պատասխանատվության (CSR) և ESG մասնագետների համար։
Դասընթացի ավարտին մասնակիցները կկարողանան՝
- Հասկանալ ESG ռիսկերը՝ որպես ֆինանսական ռիսկեր,
- Իրականացնել ESG սքրինինգ և ESG պատշաճ ուսումնասիրություն,
- Գնահատել էականությունը՝ GRI պահանջներին համապատասխան,
- Հասկանալ IFRS S1 և IFRS S2 ստանդարտների կիրառությունը,
- Ինտեգրել ESG գործոնները վարկավորման և ներդրումային գործընթացներում,
- Սահմանել ESG տվյալների պահանջները և ձևավորել ռիսկերի պրոֆիլներ,
- Համադրել GRI և IFRS բացահայտումները՝ ստեղծելով ինտեգրված հաշվետվողականության շրջանակ,
- Մշակել ESG բացահայտումների ճանապարհային քարտեզ՝ համապատասխանեցված կորպորատիվ ռազմավարությանը։
Դասընթացավար
Նժդեհ Անդրիազյան
Նժդեհ Անդրիազյանը QHSE, վերականգնվող էներգետիկայի և էներգաարդյունավետության ոլորտների մասնագետ է՝ ավելի քան 14 տարվա մասնագիտական փորձով, ինչպես նաև աուդիտոր՝ ավելի քան 7 տարվա փորձով։
Նա աշխատել է միջազգային դոնորների և կազմակերպությունների կողմից աջակցվող ծրագրերի շրջանակում, այդ թվում՝ USAID-ի, KfW-ի, GIZ-ի, EBRD-ի, EIB-ի, ԵՄ-ի և Համաշխարհային բանկի աջակցությամբ իրականացվող նախագծերում։